Henrý Þór

Mar 04

25. janúar 1958:

Varnaðarorð Framsóknar frá tímum afa!

Þarna, í kosningaáróðri Framsóknarflokksins í sveitarstjórnarkosningunum 1958 vara Framsóknarmenn á Akureyri, með afa í 9. sæti, við stefnu Sjálfstæðismanna:

„Hyggið að því, góðir kjósendur, að hinir ríku, sem eiga að vera eins konar máttarstólpar bæjarfélagsins samkv. íhaldskenningunni, þurfa fyrst að ná auði sínum frá fólkinu.“

Hvað kom eiginlega fyrir Framsóknarflokkinn?

5. febrúar 2004:

Mar 03

Taking part in a moustache growing competition

Feb 26

Síðustu samskipti mín við Björn Inga Hrafnsson

SV: Fattlaus
Henrý Þór Baldursson
Sent: 23. febrúar 2010 01:28
Viðtakandi: Björn Ingi Hrafnsson

Brattur? Jú enda er ég er brattur í minni umfjöllun allajafna. Tel mig ekki þurfa að rökstyðja skopmyndir með skoðanakönnunum, eða rannsóknum. Tökum dæmi af öðrum vettvangi, http://www.mbl.is/halldor/2010/02/12/teikningin-2010-02-12/ Halldór heldur þarna fram að löggjafi þjóðarinnar og hennar elsta og virðulegasta stofnun sé mönnuð af fólki sem hafi til brunns að bera skert skammtímaminni, ofskynjanir, ranghugmyndir, og framtaksleysi. Bráðfyndið, en ég hef hvergi séð þetta staðhæft af neinum þar til bærum sérfræðingum. Þetta er þó hárrétt ádeila hjá honum. Mögulega, og jafnvel mjög sennilega, hefur Halldór þessa skoðun. En hann setur þetta allavega ekki fram sem skoðun, heldur sem ádeilu.

Þú ert þarna á mynd sem einn af þremur mönnum sem reka vefmiðla. Þið þrír pössuðuð best á myndina sem ykkur var skeytt inn á, þú þá á líkama Vince Vaughn, Ari Edwald á líkama Owens Wilson, og Hreinn á líkama einhvers sleasy pródúsents. Ég myndi halda að sá samanburður væri alveg ásættanlegur.

Þetta er fyrst og fremst ádeila á strauma og stefnur í fjölmiðlun. En fyrst þú spyrð beint út þá neita ég því þeirri skoðun minni ekki að mér þykja myndaraðir af fallegum konum, tilfinningaklám, og miðlun á youtube myndböndum ekki til góð fjölmiðlun. Alveg burtséð frá því hvort þessi bragðtegund af fjölmiðlun sæki lestur eða ekki. Hef sett þessa ádeilu fram áður, sem og þá skoðun að teljari Módernus mælir ekki lestur eða almenna ánægju með efnistök frekar en að teljari Vegagerðarinnar á hringveginum mælir verslun og þjónustu á kaupstöðum kringum landið.

Ég er ekki að segja að menn séu eingöngu farnir að gera út á þetta, en þykir það þó í mun meira mæli núna upp á síðkastið. Fyrir réttri viku síðan kíkti ég á forsíðu Pressunnar rétt eftir hádegi á þriðjudegi, og þá voru þessar _fréttir_ að rúlla á besta stað forsíðunnar: http://www.pressan.is/Frettir/LesaFrett/horkuleikir-i-meistaradeildinni-tharftu-adstod-til-ad-tryggja-ther-sjonvarpid-myndband http://www.pressan.is/Frettir/LesaFrett/sumir-svipir-gleymast-seint-tiu-ogleymanleg-augnablik-i-russibananum—-myndir

Ég met það svo að þegar takmarkið er aðallega sett á góða mælingu í Modernus keppninni, og meðan ætlaður lestur á hinum og þessum greinum er haldið að þeim sem skrifa þær, að þá hneygist fjölmiðlamenn til þess að höfða til lægstu hvata lesenda. Því auðvitað er ekki hægt að skúbba íslenskum fréttum lon og don. Þó mbl.is og visir.is virðist keppa í hliðargrein Modernus keppninnar, sem er keppni í tímastimplum. Þannig birta hvorir miðlar um sig oft fréttatilkynningar 1-2 mínútum eftir að þær eru gefnar út. Einstaka sinnum jafnvel áður en þær eru gefnar út. Ég vann hjá mbl.is, ég þekki þetta.

Jafnvel skemmtilegir bloggarar eru farnir að grípa til þess að hafa krassandi fyrirsagnir, útsölu á upphrópunarmerkjum, eða keppast við að toppa fyrri færslur í gífuryrðum. Teitur Atlason var t.d. mjög skemmtilegur og lipur penni, þar til DV.is fór að selja hann sem umtalaðasta bloggara landsins, alltíeinu varð hann ólesandi. Ég þekki Sölva Tryggvason ekki fyrir sama mann á skjánum og á prenti. Ég las upp allar færslur Ólafs Arnarssonar í byrjun en núna finnst mér hann gera meira og meira út á ódýra sleggjudóma. Til dæmis í dag var grein um það hvað tveir tilteknir stjórnmálamenn væru handgengnir Bretum og Hollendingum og ynnu grímulaust gegn hagsmunum Íslands með því að kokgleypa fyrsta móttilboð þeirra.. Rétt á eftir les maður að þau hafi hafnað tilboðinu.

Annars upplifi ég bara leikhús fáránleikans að ég sitji hér, skopmyndahöfundurinn, og deleri við reyndan ritstjóra um siðferði í fjölmiðlun. Það ætti einhver allt annar að vera að þessu. Ég býst við að meðan fjölmiðlamenn vilja hafa hlutina eins og þeir eru, þá verði þeir bara að vera þannig. Þar til einhver naskur sér tækifæri á annarslags háttum.

En það væri leiðinlegt ef maður mætti ekki lengur deila á fáránleikann í samfélaginu, þá færu skopmyndir að snúast um eitthvað glænýtt en þurrt.

Góðar stundir,
Henrý Þór.
________________________________________
Frá: Björn Ingi Hrafnsson
Sent: 22. febrúar 2010 23:11
Viðtakandi: Henrý Þór Baldursson
Efni: Fattlaus

Ég er nú fremur fattlaus að eðlisfari, en þú útskýrir kannski fyrir mér brandarann í Gulu pressu morgundagsins. Mér sýnist ég vera þarna á mynd, sem er auðvitað allt í fínu lagi, en ég skil bara ekki pointið með skrípóinu. Af hverju ættu vefmiðlar að vilja knýja fram einhverja sérstaka breytingu á mælingu Modernus? Eru þeir ósáttir við mæliaðferðir Modernus?

Er ekki full bratt að gefa sér að það efni sem er vinsælt og mikið lesið sé eitthvað verra en annað efni eða lélegri fjölmiðlun?

Bara svona að spegúlera.

Með kærri kveðju,
Björn Ingi Hrafnsson
ritstjóri/editor
www.pressan.is
xxx@pressan.is
+354 xxx xxxx.